चीनको झण्डा जलाएको आरोपमा मधेसी मोर्चाका तीन नेता पक्राउ
पक्राउ पर्नेमा संघीय समाजवादी फोरमका केन्द्रीय सदस्य संजय यादव, सदभावनाका जिल्ला अध्यक्ष इमदाद गद्दी र नेपाल परिवार दलका ओमप्रकाश सर्राफ छन् । वीरगञ्ज(रक्सौल नाकाको मितेरी पुलमा धर्नामा बसेर घर फर्कने क्रममा उनीहरुलाई प्रहरीले शंकराचार्य प्रवेशद्वारवाट पक्राउ गरेको हो ।
पर्साका प्रहरी उपरीक्षक राजुबाबु श्रेष्ठले तीन जना पक्राउ परेको पुष्टि गरे । उनले उनीहरुमाथि अनुसन्धान भइरहेको बताए ।
चीनले नेपालमा इन्धन दिएपछि मधेस विरोधी भएको भन्दै मधेसी मोर्चाका नेताहरुले कात्तिक १२ गते वीरगञ्जको घण्टाघर चोकमा चीनको झण्डा जलाएका थिए ।
चिनियाँ झन्डा जलाइएको घटनालाई भारतीय संचारमाध्यमले यसरी प्रस्तुत गरेका थिए ।
-onlinekhabar
0 comments
Any Comments?