पुरानो बसपार्कमा २१ तले भ्यु टावर, आज उपराष्ट्रपतिले शिलान्यास गर्दै

२५ कात्तिक, काठमाडौं । रत्नपार्कस्थित पुरानो बसपार्कमा २१ तले ‘काठमाडौं भ्यु टावर’ निर्माण हुने भएको छ। विवादका कारण लामो समयसम्म स्थगित भ्यु टावरको बुधबार उपराष्ट्रपति नन्दबहादुर पुनले शिलान्यास गर्ने भएका छन् ।काठमाडौं महानगरपालिकाले निजी कम्पनी जलेश्वर स्वच्छन्द बिकोइसँगको साझेदारीमा टावर निर्माण गर्न लागेको हो । टावर निर्माणका लागि लाग्ने सम्पूर्ण रकम निजी कम्पनी बिकोइले नै गर्नेछ । टावरको लागत रकम तीन अर्ब रुपैयाँ रहेको छ । त्यसबापत कम्पनीले ३० वर्षसम्म टावर सञ्चालन गर्न पाउने नयाँ पत्रिकामा खबर छ ।

३० वर्षपछि भने टावर स्वत: महानगरपालिकाको स्वामित्वमा आउने महानगरपालिकाका कार्यकारी अधिकृत रुद्रसिंह तामाङले जानकारी दिए । उनका अनुसार टावर तीन वर्षभित्र निर्माण भइसक्नेछ ।काठमाडौं महानगरपालिकाका कार्यकारी अधिकृत तामाङका अनुसार पब्लिक प्राइभेट पार्टनसिप (पिपिपी) प्रणालीअन्तर्गत निर्माण हुन लागेको यो मुलुककै ठूलो परियोजना हो । ‘पब्लिक प्राइभेट पार्टनरसिपअन्तर्गत बन्ने यो मुलुककै ठूलो परियोजना हो । यो तीन वर्षभित्र बन्नेछ । 

टावरको लागत रकम तीन अर्ब रुपैयाँ तोकिएको छ । सबै रकम निजी कम्पनीेले नै लगानी गर्नेछ । त्यसबापत कम्पनीले ३० वर्षसम्म टावर सञ्चालन गर्नेछ । त्यसपछि भने महानगरपालिकाको स्वामित्वमा आउनेछ,’ कार्यकारी अधिकृत तामाङले भने ।

Labels: Business