बलीउड अभिनेता ऋतिक रोशनकी पूर्वपत्नी सुजैन खानले मिडियासँग सम्बन्धित केही पहुँचवालाहरु आफूविरुद्ध लागेको भन्दै आक्रोश पोखेकी छिन् ।

मिडियामा प्रभाव र पहुँच हुने केही व्यक्तिहरु आफूविरुद्ध लागिरहेको भन्दै अभिव्यक्ति दिएकी छिन् । अर्जुन रामपालसँग उनको सम्बन्धको विषयमा बारम्बार प्रसंग उठिरहेको प्रसंगलाई लक्षित गर्दै सुजेनले यस्तो अभिव्यक्ति दिएकी हुन् । तर, अर्जुनसँगको सम्बन्धबारे मिडियामा आएका समाचार सत्य नभएको समेत उनले बताएकी छिन् ।

उनले भनिन्, ‘केही प्रभावशाली गसिप सिकारीहरुले मेरो बारेमा निरन्तर अनावस्यक हल्ला र अतिरन्जित गरिरहेका छन् ।’ प्रेसले यस्ता गलत समाचार छाप्नु गैरजिम्मेवारी भएको असन्तुष्टि पोखेकी छिन् ।