काठमाडौं – अभिनेत्री पूजना प्रधानको निर्माण र अभिनय रहेको चलचित्र ‘चकलेट’ आगामी १८ मंसिरदेखि देशभर प्रदर्शन हुने भएको छ । सडक बालबालिकाको कथामा आधारित चलचित्र चकलेटलाई निर्मल शर्माले निर्देशन गरेका हुन् ।चलचित्र चकलेटमा अभिनेत्री प्रधानको कथा रहेको छ । ‘मेरो खास रुचि अभिनयमै हो । यसपालि मैले चलचित्रको कथा पनि लेखेकी छु । यो मेरो पहिलो प्रयास हो,’ पूजनाले रातोपाटीलाई भनिन्, ‘यो सडक बालबालिकाको कथा हो । यो सहरमा मैले बारबार भोकानांगा असहाय बालबालिकालाई देखिरहन्थेँ । कहिले चर्को घाममा त, कहिले झरीमा रुझेर बेवारिसे डुलिरहेका बालबालिकाले मलाई धेरै अघिदेखि पगालेका थिए । अन्ततः म उनीहरुको कथा नलेखिरहन सकिनँ ।

0 comments

Any Comments?